Bazodonsa kanzima abanikazi bezimoto kanye nabagibeli kuleli njengoba kuvela imibiko yokunyuka kwamanani kaphethiloli kule nyanga.
Ngokwesitatimende esikhishwe uMnyangoweZimbiwa-phansi Namandla, uphethiloli uzonyuka ngo-53 senti ilitha kanti udizili wona uzonyuka ngo-80 ilitha uphalafini unyuke nge-R1.01.
Ngokwamanani amasha, kusho ukuthi uphethiloli uzobiza u-R19.42 ezindaweni ezisogwini bese uba ngu-R20.14 ezindaweni ezimaphakathi. Lezi zinguquko zizoqala ukusebenza ngoLwesithathu mhlaka 2 Febhruwari.