KUZOQOPHEKA umlando osomahlaya bodumo baseThekwini, uSimphiwe Shembe noFelix Hlophe, beshiyelana inkundla kwiMen in Black Funny Business Comedy Show, ePlayhouse Opera Theatre, eThekwini ngoJuni 24 ngo-8 ebusuku. USimphiwe kulo mcimbi bazobe behlekisa ngezigigaba ezenzeke ngezikhathi kusabhoke iCovid-19 kuya ebudlelwaneni.
"Abantu bazobona into yamehlo. Lokhu kuzobeka umkhakha wamahlaya kwelinye izinga. Abantu bazobona khona ama-One Man Show amabili abantu abasebenze lukhulu kulo mkhakha. Lokhu kuzofundisa nabeza emuva kwethu ukuthi asikho isidingo sokuxabana. Singabantu abamnyama sicindezelike vele. Manje-ke ukubambisana ikhona kuphela okuyosiyisa phambili." USimphiwe uthe noma bengebona abangani kepha bengasebenzisana uma benezinhloso ezifanayo.
"Indlela amathikithi adayisa ngayo kungenzeka siphoqeleke ukuvula olunye usuku," kuphetha uSimphiwe.
Amathikithi aseyetholakala eWebtickets nasePick n Pay.
#IsolezweNgempelasonto