UMDLALO iGenerations uhlabane ngesilomo somlingisi ozoqala ukubonalala kulolu chungechunge lo mdlalo okhonjiswa kuSABC 1 kusukela ngoMsombuluko kuya kuLwesihlanu.
U-Aubrey Poo owazakhela udumo emidlalweni eminingi ewuchungechunge njengeSibaya, Isidingo neminye uzobonakala kwiGenerations. Abalo mdlalo bake bakuveza ukuthi lo mlingisi angase ajoyine iGenerations, kungagcini lapho njengoba baphinde baveza ukuthi angase abuye futhi uRapulana Seiphemo owaduma kakhulu ngelika Tau Mogale.
Umthombo weSolezwe uveze ukuthi u-Aubrey useqalile ukushutha kodwa wangakuqinisekisa ukuthi uzoqala nini ukuvela kwithelevishini.
URapulana uke wabonakala kancane enoKarabo Moroka kodwa kwachazwa ukuthi akazile ukuzozinza njengoba esezophinde abonakale nje. Lo mdlalo usanda kudedela umlingisi ophambili uMazwi njengoba sewubuyisa lezi zinkalakatha.