UZOQALA ukubonakala emdlaweni iHouse of Zwide, umlingisi nomethuli wezinhlelo uThembisa Mdoda.
Isolezwe like labika izindaba zokuqala ukuqopha kukaThembisa kulo mdlalo, nalapho umthombo waveza ukuthi indawo yakhe izothakaselwa kulo mdlalo.
Ngokwesitatimende esikhishwe abakwa-e.tv kuvela ukuthi uNikiwe Ndlovu uzofika kulo mdlalo njengomphathi wenkampani yokukhangisa enkulu ezwenikazi i-Afrika, iMiss Africa.
“Ukhule emodela noFaith, nokuyinto abeyithanda waze wangena kulo mkhakha webhizinisi uma esesebenza. UFunani noNikiwe nabo banomlando wokusebenza ndawonye, futhi uFunani ukholelwa ekutheni uNikiwe akumele abe lapho ekhona manje njengoba ake amtshontshela imisiko yakhe nathi uma ebuzwa ngayo wathi eyakhe, nokwehlisa isithunzi sikaFunani," kusho isitatimende.
UFaith noZanele bazofuna ukwenza umcimbi wokukhangisa ngezingubo ezithungwe eHouse of Zwide, nabazobona ukuthi inkampani engcono ukwenza lo mcimbi iMiss Africa.
“UFunani uma ezwa ngalokhu uzobuyelwa yikhona konke okwenzeka kudala. Futhi ngesikhathi ephathwa kabi uNikiwe, wazitshela ukuthi akasophinde asebenze naye, kodwa manje ngabe uzophinde azisondeze kuNikiwe noma cha? Ngabe bazophinde babe abangani?.
UThembisa ukhombise ukujabula emakhasini akhe ezinkundleni zokuxhumana kuvela lezi zindaba nalapho abantu abaningi bembongelile ngokuthola leli thuba.