ISIKHATHI asichithe othandweni lwakhe lwakamuva yisona esigqugquzele uSlindile Ndlovu ukuthi asukume azithathe njengoba egcine esengena ohlelweni iReal Housewives of Durban.
Elandisa leli phephandaba, uthe lolu hlelo ulujoyine kahle ngoba lumfica esesigabeni sokuqala kabusha impilo yakhe, emva kokuthi ezinikele othandweni olugcine lungaphumelelanga, wasala nezibazi.
“Yize ngibona sengathi ngamosha isikhathi sami nomdlandla wami kule minyaka eyisithupha engiyihlale kulobuya budlelwano, kodwa ngibuye ngizixolele ngokuthi vele kufundwa ngawo amaphutha,” usho kanje.
Wathi ubona ifezeka inhloso yakhe, yokuzikhulisa nokuqala kabusha empilweni.
Uneziqu zeHuman Resources kodwa ibhizinisi lakhe, iMawesi Consulting, ligxile ekuhleleni imicimbi nokuhlobisa izindawo ngaphakathi.
Kule sizini entsha izintokazi eziyingxenye yohlelo, ngu-Annie Mthembu, Jojo Robinson, Nonku Williams noSorisha Naidoo abazojoyinwa ngamalungu amasha, uMaria Valaskatzis, Mbali Ngiba noSlindile Wendy Ndlovu.
Abaphumile nguThobile MaKhumalo Mseleku, Nonkanyiso Conco noLondie London.
USlindile uthe abalandeli beRhod abangaphuthelwa yisizini entsha ukuze bamazi kangcono.