USEHLALA emgwaqweni owesilisa owayesohlelweni lwabafuna ukushadelwa iBachelor South Africa.
ULee Thompson waba ngowokuqala kuleli ukuba sohlelweni olususelwa kwelaphesheya lapho kuhlanganiswa izintokazi ezizolwela indawo yokuba wunkosikazi kaThompson.
Leli geza lensizwa ebelibuye libe wumkhangisi belihlala kwi-guesthouse esemgwaqweni iBuitenkant, eKapa, likhokha uR300 ngosuku. Kuthiwa abanikazi bale ndawo baphoqeleka ukuba balixoshe ngoba laliseliyimoshe kakhulu indlu ebelihlala kuyo.
Ngale kokusaphaza amakhondomu namabhodlela otshwala yonke indawo, kuthiwa miningi umonakalo awenze kuyo njengoba wake wadala nomlilo owashisa elinye lamagumbi endlu.
Bephawula ngale mibiko, abeM-Net bathe kuyishwa ukuthi abanye abantu abake baba yingxenye yezinhlelo zabo kudala, azisabahambeli kahle izinto empilweni.