UTHATHE abantu abaningi ekhombisa amakhono ahlukene emdlalweni wethelevishini umlingisi odlala indawo ephambi Ehostela.
UThobani Nzuza olingisa indawo kaMndeni Ehotela nokuyindawo ehamba phambili kubalandeli balo mdlalo selokhu ijikeleze njalo ivideo yesiqephu ebecula kuzo kulo mdlalo.
Yize enomlando omuhle kwezeshashalazi futhi ekhombisa ikhono elikhulu kodwa kulo mdlalo ubukeka ekhombisa esikhulu isipiliyoni nokumenza ehluke kubalingisi abaningi.
UThobani kulo mdlalo nakule levideo ubehamba nabanye babalingisi abafike kuqala kunaye endimeni yezokulingisa futhi abaziwayo ngokuba namandla uma bethola ithuba emidlalweni. Kodwa abazange bamnike inkinga njengoba ehamba phambili futhi kungazange kumgqibe ukubakhona kwabo. Abantu abaningi balokhu bemncome njalo ngekhono lakhe lokukwazi ukulingisa ngendlela egculisayo aphinde ababusise nangephimbo lakhe.
Kuzokhumbuleka ukuthi ngesikhathi kudlala okokuqala ngqa lo mdlalo indawo kaMndeni kwacaca ukuthi bayayivala kulo mdlalo ngesikhathi kubukeka sengathi ubulewe. Kodwa abalandeli balo mdlalo bakubeka kwacaca ezinkundleni zokuxhumana ukuthi ngeke besawubukela lomdlalo. Okufakazela lokhu ukuthandwa kwawo njengoba ubuyile nangendlela athola izingcomo ngayo lo mlingisi.