UMLINGISI odume kwabaningi ngokuba yiSlay Queen, uthi ukubonakala nabantu abanemali nabaphila kahle, akuyishintshi impilo yowesifazane uma engazimisele ngempumelelo.
UTebogo Thobejane owaziwa kakhulu ngokuba ngumethuli wohlelo kuYou Tube iCity Girls luka MacG usezobonakala kwiDiep City kuMzansi Magic Channel 161.
Uthi ukuphuma engena emidlalweni yethelevishini kuyena kusho lukhulu njengoba kusho ukuthuthuka emsebenzini wakhe. Uthi kusho nempilo engcono angayitholi ngokubonakala neziqumama kodwa okumele ayisebenzele.
“Amantombazane afana nami kwaziwa ukuthi iminyango yawo ihlezi ivulekile. Kufuze ukube manje nginohlelo lwami olukhuluma ngempilo yangempela kodwa anginalo. Siyazama ukubonisa abantu ukuthi asekhona amantombazane azizamelayo empilweni,” kusho yena.
Akafunanga ukuchaza kabanzi ngendawo aziyilingisa kodwa uthe uzobe egila izimanga kulo mdlalo.
Uphethe ngokuthi kuyimanje unamabhizinisi akhe amabili kanti futhi kunesakhiwo asanda kusithenga, okuyizinkomba zokuthi konke kusahamba kahle.