NQOBILE MASIMULA
ZIYA ngokushuba izinto kwisizini yesibili yeReal Housewives of Durban, njengoba ukutshelana ezikabhoqo sekuyinto yamihla.
Isiqephu sakamuva besinezigigaba eziningi. Kuqale ngomhlangano kaLaConco noThobile nalapho bebezovulelana izifuba.
ULa Conco ugxeke uThobile ngokwenza sengathi akamazi uma sebehlangana manje nokuyinto uThobile ayiphendule ngokuthi akasayikhumbuli.
Kubukeka sengathi uNonku akapheli emilonyeni yabafazi abaningi kwazise lapho besuke behlangene khona, alisali igama likaNonku.
Umhlangano kaLondie London noJojo abebewubizele uNonku awuhambanga kahle, uNonku udinwe wukuthi uLondie uthe uhlale edakiwe emicimbini yabo
ULondie obehlangene noLa Conco bezivocavoca, uze waxoxela unina obemvakashele kwakhe ngonina kaNonku.
UThobile ofike ehamba nomyeni wakhe uMusa Mseleku, ubemenywe emzini kaSorisha Naidoo benoVivian Reddy, ukuzodla isidlo sasebusuku. Baze badingida indaba yesithembu, uSorisha wakubeka kwacaca ukuthi owakhe umyeni, usazolokhu enonkosikazi oyedwa.
Izimbali ezilethelwe nguLa Conco besemcimbini obusemzini kaJojo, zithuse abaningi, kwaze kwakhona abacabanga ukuthi kungenzeka ukuthi uLa Conco uzithengele.
Unina kaNonku, ugonyuluka ngobuhlungu abhekane nabo ehlukana noyise kaNonku, ongumfundisi.