IDURBAN Gen wuhlelo olusematheni kulezi zinsuku ngezindaba zokuthi iyaphela ngoJanuwari ozayo.
Yize lezi zindaba zingehli kahle kubabukeli, abeStained Glass, okuyinkampani eqopha umdlalo iyaqhubeka nokugcina ababukeli bethokozile.
Isiqephu sayizolo sishiye abaningi bedidekile futhi becasukile ngesenzo sesiguli esingaboni. Isiguli esineminyaka singaboni singeniswe esibhedlela ukuyothola usizo lobchwepheshe besimanje obusisiza ukuthi sibone. Kwenzeka konke lokhu sesekwa wunkosikazi weminyaka naye osekuthakasele ukulashwa komyeni wakhe.
Kuvele kwehla izihlathi inkosikazi ifika esibhedlela indoda isibona, icasuka yahluleka ngisho ukuzibamba ibona umkayo engelona uhlobo ebilulindele. Ngokwakhe ubelindele isiphalaphala, kodwa wathola okuhlukile.
Ababukeli banikele ezinkundleni zokuxhumana bezwakalisa ukucasuka kwabo ngesenzo sendoda.
Mbali Khumalo: Yaze yaphoxeka impumputhe seyibona umfazi wayo ngamehlo. Ngivele ngabona ukuthi le ndoda izobona ebeyikade ingakulindele ngesikhathi ilokhu ithi seyijahe ukubona inkosikazi yayo iyinhle, onesi bebevele behleke.
Thandeka Ngcobo: Usuke waphaphamela esphalaphaleni, kuyaba sekuqhamuka okwakhe sekuyamthusa.
Nondumiso Ndumiso Mazibuko: Uke wazibuka yini yena wazibona ukuthi unjani ngoba esebona efanelwe ngabantu abahle nje?
Mr Mashabane sees his wife for the very first time 💀#DurbanGen tonight @6:30pmhttps://t.co/KhmIRNCYL7 pic.twitter.com/ct2025wVam
— Durban Gen: Season 2 (@DurbanGen_etv) May 10, 2022