UMSAKAZI obuye abe yijaji emncintiswaneni ama-Idols SA u-Unathi Nkayi, uzokwethula uhlelo olusha lwe-1Magic iFestive Get-together.
Wuhlelo oluzodlala ngamaholidi kaDisemba kuphela. Luzoqala kusasa
ngo-3.30 ntambama.
Luzophinda kuMansi Magic ngoDisemba 21 ngo-9.30 ebusuku nakuMzansi wethu ngo-10 ebusuku. Kulolu hlelo u-Unathi uzobe ehleli nosaziwayo impumelelo yabo eyenza kube nzima ukuthi bahlangane nezihlobo zabo.
Umpheki owaziwayo, u-Alessandro Khojani, uzohlangana no-Unathi ukushintsha amakhaya ezimenywa awenze izindawo eziseqophelweni eliphezulu zokudlela.
U-Unathi uthe impilo abayiphilayo nendlela unyaka obe ngayo, abakaze basithole isikhathi sokuhlala nemindeni nabangani.
“Kubalulekile ukuchitha isikhathi nalabo abenza impilo yethu ibe yindlela eyiyona. Lolu hlelo lumayelana nokuxhumana nokuthi isipho esikhulu ngala maholidi wukuba nabantu esibathandayo,” kusho u-Unathi.
Esiqeshini ngasinye osaziwayo bazobe bekhuluma ngasebekuzuzile empilweni, amaphupho abo nokuthi kubaluleke ngani ukusondelana.
Abazobonakala ohlelweni, kubalwa abaculi uZakes Bantwini nomkakhe uNandi Madida, osaziwayo uKefilwe Mabote noSarah Langa nabanye.