KUTHIWA alukho usuku olungafiki, nolukaGloria noCaiphus seluze lwafika.
Ababukeli beScandal! bazozithokozela izindaba ezimnandi zokuthi uyaqhubeka umshado wesitufuza abasithandayo uGloria, olingiswa nguMarjorie Langa.
Kuke kwaba wumzukuzuku izinto zingahlangani. Kwaqala kwahlasela izikhukhula kwabhidlika nomgwaqo,kwadala ukuthi ingubo yomshado ayithungisile ngokukhethekile, ingakafiki kuyena.
Kuvele kwashuba ngempela sekulahleka imali yokukhokhela izindleko zomshado. Bathi besabheke lokho, bhidlikiyani indawo okwakuzoshadelwa kuyo.
Abaziyo bathi kuba mnyama kakhulu uma sekuzokhanya, asihlanganeni ngoLwesihlanu sibone ukuthi kuzohamba kanjani emshadweni. Ningakhohlwa okokuvungula kuthiwa sizoyidla size siyibuke inyama!