SEKUNTWELA ngezansi emncintiswaneni wama- Idols SA Season 17 njengoba sekusele ababili ngaphambi kokuthi kusale ozohlwitha isicoco kulo nyaka.
Phakathi kwabazobe bedlana imilala kowamanqamu ngeSonto ntambama kuMzansi Magic (161), kubalwa uBerenike “Berry” Trytsman waseCape Town noKarabo Mathe waseHebron, eNorth West.
Kulo nyaka kuqopheke umlando njengoba kube okokuqala ngqa ukuthi kuqhudelane abesifazane bodwa kuTop 3.
Isicoco sanyakenye sahlwithwa yintokazi yaseMalahleni eMpumalanga, uZama Khumalo okhiphe i-albhamu yakhe esihloko esithi “ In The Beginning ezinsukwini ezimbalwa ezedlule.
Kwabafisa ukuvota bangangena kwi-website ethi www.idolssa.tv/vote noma bathumele umqhafazo onegama laloyo abafisa ukuthi anqobe kunombolo ethi 37400,3 noma bangene kwi- app yeMyDStv .