USiviwe Jali (29) waseBluff, eThekwini, uqokwe ukuthi enze izindondo ezingaphezu kuka-15. Zizokhishwa ngoSepthemba 19, uma sekukhishwa imiklomelo embukisweni wamafilimu iDiff.
“Ngijabule ngokuthola leli thuba kodwa namanje angikakholwa,” kusho uJali.
Uthe ubefuna ukwenza indondo eveza umlando wamafilimu kodwa iveze nesimanje futhi uma oyinqobile eyibuka abone kuwubuciko bokujatshulelwa.
UJali owaqala enza ubucwebe futhi osenebhizinisi lakhe, uthe usenqobe imiklomelo eyahlukene ngomsebenzi wakhe.
Leli ciko linqobe emuva kokuba iCentre for Creative Arts eNyuvesi yaKwaZulu-Natal imeme amaciko akulesi sifundazwe ukuthi afake izicelo zokwenza izindondo zemiklomelo yeDiff. Uyena onqobe ngamalengiso.