KUJABHE abaningi ngezindaba zentokazi yakuleli ezitholele indawo emdlalweni omusha othi Shaka-Ilembe.
UNtando Duma uzodlala indawo kaBhibhi kaSompisi Ntuli ongunkosikazi wesishiyagalolunye kaSenzangakhona futhi ungunina kaSgujana.
Lo mdlalo oqoshwa eGoli naKwaZulu-Natal, unabalingisi abafana noNomzamo Mbatha ongeyena umlingisi kuphela kodwa ubuye abe uphrojusa wawo.
Uzokhonjiswa kuM-Net ngonyaka ozayo. Esitatimendeni esikhishwe abakwaMultichoice baveze ukuthi benze ucwaningo olunzulu ngalo mdlalo njengoba bahlangana neSilo esesabuza uZwelithini kaBhekuzulu noNdunankulu kaZulu iNkosi Mangosuthu Buthelezi.
Abantu abakunambithisisi kahle ukuthi le ntokazi iyingxenye yalo mdlalo. Abaningi bebephawula ngomsebenzi wakhe emdlalweni iThe Queen lapho kwakuzwakala khona ukuthi siyamhlula isiZulu. Kulokhu, abantu bathi lo mdlalo okhuluma ngempilo yeLembe bekumele uhlonishwe ngabalingisi abasaziyo isiZulu hhayi abakhuluma ‘isiGoli.’
@MduZULU12: Uzobona kungekudala kuzobe sekuthiwa, akalungise, Amaqanda hhayi amacanda, uphumaphi hhayi sekaphumaphi, ubanga umsindo hhayi uyarasa.
@NhlakaGreg:Wuuuuuuuu. Amahliphihliphi nje. Lo ongakwazi nokukhuluma IsiZulu sangempela.
@MalisheSne: Bavele bayona ekugcineni noma bangayeka.
@njivana: Mina ngizobe ngihlalele ukugxeka isiZulu sakhe nabanye abazobe behluleka.