KULINDELEKE ukuthi iphele phakathi kukaMashi noma ngo-Ephreli iDurban Gen, ekhonjiswa kwi-e.tv ngoMsombuluko kuya kuLwesihlanu.
NgoMsombuluko kuvele izindaba zokuthi kuqala isizini entsha yesibili yalo mdlalo
Kule sizini baveze ukuthi ziningi izinto ezishintshile kuwona njengoba kukhona abalingisi abasha abazovela futhi kukhona nabadala abashiyile.
Esitatimendeni esithunyelelwe abezindaba baveze ukuthi abalingisi abafana noDkt Mbali Mthethwa(Neliswa Sibiya) bazobonakala sebengodokotela, futhi kwenzeka lokhu uzobe esanda kuphuma ephehlweni.
"Izinkinga ezithinta ukuba udokotela wesintu kanjalo nowesimanje manje yizona ezizoletha izingqinamba empilweni kaDkt Mthethwa. Izinto ezithinta ezothando zizoqhubeka nokuba ingqikithi yalo mdlalo. UDkt Thabo (Meshack Mavuso) noDkt Zondo (Fanele Ntuli) manje sebeshadile. UDkt Jack noCalvin nabo sebethathe elinye igxathu empilweni yabo njengoba sebethembisene umshado. UPhumeza usenguMatron kanti benomyeni wakhe uSibiya sebenezingane ezimbili,“ kusho isitatimende.