IQALE ngegiya eliphezulu inyanga yembokodo nasezinhlelweni zethelevishini.
Ababukeli beDurban Gen abawuvali umlomo ngesiqephu sangoLwesithathu lapho udokotela uDlomo obesecasule abaningi ngezenzo zakhe, zokuhlukumeza umkakhe, ethola untanga.
Kulesi siqephu uSibiya ubedinwe egane unwabu ecasulwa wukuthi uDlomo ushaye umkakhe.
Ababukeli abaningi bathi abahlukumezi abaningi bafana nse noDlomo, abakwazi ukubhekana namanye amadoda kodwa bakhwela badilike kubantu besimame ngesibhaxu
Onneile Nelly Wilson: Usethole abangangaye manje💃💃💃💃💃💃 halala Sibiya ubonisile ukuthi indoda yangempela ayibashayi abafazi👏👏👏👏
Tuma Zìzlås Mogale: Siyabonga kwiDurban Gen ngokuqhakambisa amadoda afana noSibiya, alwa nokuhlukunyezwa kwabesifazane. Baningi abantu abafana noDlomo esiphila nabo, okumele bafunde kulokhu.
Siboe Sibanda: Amadoda afana noDlomo angamagwala, aqinela abantu besifazane kuphela.