KUBOSHELWE izingqungqulu zabasakazi eminxeni ehlukahlukene yomqhudelwano wezindondo zababambe iqhaza emisakazweni, iTelkom Radio Awards.
Umsakazi wohlelo lwantambama kuKhozi FM, uKhathide ‘Tshatha’ Ngobe uqokwe emkhakheni wePBS Afternoon Show Presenter. URobert Marawa ungene koweCommercial Sports Show Presenter lapho eqhathwe khona noVictor Molife woKhozi FM nakwiSports Show.
U-Anele Mdoda we-947 ungene koweCommercial Breakfast Show Presenter, nakwiBreakfast Show.
UThabo ‘Tbo Touch’ Molefe weMetro FM uqokwe kwiCommercial Afternoon Drive Presenter, nakwi-Afternoon Show.
USgqemeza noMroza Buthelezi boKhozi FM baqokwe kwiPBS Breakfast Show. UThando Thabethe we-947 ungene emunxeni weCommercial Afternoon Drive Show Presenter. Umsakazi oqokwe ukubedlula bonke ngowesiteshi saseKranskop, Ikhwezi FM, uSaziso Dlamini ngoba uqokwe kwiCommunity Radio Afternoon Drive Presenter, Afternoon Drive Show, Breakfast Show, Night Time Show nakowe-Content Producer.
NoMangaliso Mpungose weKhwezi FM, noSiyabonga Seme weNanda 88.4 baqokwe kwiBreakfast Show Presenter. USizwe Zungu weKhwezi FM ungene koweNight Time Show. Ikhwezi liphinde lamelwa nakwiPromotions Stunts/Events, Community Radio Music Show ngeNgcwenga, Top 10 ne-Azibuye Emasisweni, Community Project ngeKhwezi Lizakuwe nakwi-Afternoon Drive Show nge-120 Drive. NakwiDrama Programme iKhwezi lingene ngomdlalo othi Ngifike Ekugcineni.
Umdidiyeli wohlelo lukaDudu Khoza, uSihle Mavundla uqokwe kowePBS Content Producer.
Inanda 88.4 FM iqokwe kwiCommunity Radio Sports Show kwathi UZusiphe Didi weZwi Lomzansi FM wangena kwiNews Bulletin Reader. IVuma FM ibuyile ngeKZN 60 Minutes, kwiNews And Actuality Show kanye nangeProvincial Wedding kaJacinta Ngobese kwiMulti-Channel Promotion. IMetro FM imelwe nguKhutso Thiledi kwiDaytime Show, kwathi uBongani Bingwa we-702 waqokwa eminxeni emibili.
