UMLINGISI ozoba yingxenye yesizini entsha yohlelo lwakwiShowmax, iThe Real Housewives of Durban, uMbali Ngiba uthi ungene ngoba efuna ukuzikhulisa nangokwebhizinisi.
UMbali ujoyine noSlindile Wendy Ndlovu noMaria Valaskatzis ongumethuli futhi ongumdidiyeli wezinhlelo zethevishini. Laba bajoyine isizini yesithathu ezoqala ngoFebhuwari 1. Bazohlanganyela no-Annie Mthembu, Jojo Robinson, Nonku Williams noSorisha Naidoo.
Bavala isikhala esivuleke ngokungabuyi kukaNonkanyiso “LaConco” Conco, Thobile MaKhumalo Mseleku noLondie London.
Isolezwe NgeSonto labika ngonyaka odlule ukuthi uMbali uzoba yingxenye yalolu hlelo, futhi ngaleso sikhathi wavele wahleka ebuzwa ngakho.
“Ngijoyine isizini yesithathu ngoba ngibona kuyithuba elihle lokuba yingxenye yohlelo oluyimpumelelo nabesifazane abamangalisayo. Ngesikhathi ngibuka isiziniyokuqala neyesibilingibenomuzwawokuthi kukhona engingakwengeza njengomunye wabasohlweni,” kusho uMbali oseke walingisa emidlalweni okubalwa kuyo iThe River neminye.
USlindile, ongusomabhizinisi, uthe naye ubona amathuba angavuleka ngokuba yingxe yohlelo.
“Kihmina kuwukuqala ngakhe kabusha hhayi kuphela siqu sami kodwa nae ynjengomama okulisa ingane yedwa. Ngiphuma ebudlelwaneni beminyaka eyisithupha engizwe ngathi ngimoshe isikhathi nomdlandla kubo. Ngizinikele ngakho kodwa ngesikhathi kungasasebenzi ngivele ngacabanga ukuthi kungani ngingenzi lokhu, angikuzame. Le nkundla ikunikeza ithuba lokukhangisa nokushintsha indlela owaziwa ngayo ikakhulukazi uma ungumuntu oqala kabusha.”
UNonku uthe ngesizini yokuqala abantu babengamazi futhi bengamqondi. Kwisizini yesibili uthe base beqala ukumazi kangcono futhi kwisizini entsha ucabanga ukuthi usezakhele igama.
U-Annie, oshade nomnikazi wezindawo zobumnandi eThekwini uKgolo Mthembu, uthe ngeke ashintshe emntwini abe nguye kwisizini yokuqala neyesibili.
“Ngicabanga ukuthi isizini yesithathu izohluba udlubu ekhasiningokuthi ngingubani. Ngicabangafuthi nokuthi bengibukwa njengomuntu ononya, ngingasho ukuthi ngizoyeka ukukhuluma okusemqondweni kodwa ngithemba ukuthi kule sizini abantu bazoqonda ukuthi kungani ngiwumuntu onjalo,” kusho u-Annie.
IThe Real Housewives of Durban, ephinda nakuMzansi Magic, yaqala ngo-2021. Ngaleso sikhathi kwakukhona no-Ayanda Ncwane noKgomotso Ndungane. Kwisizini yanyakenye kufike uLondie London, Jojo noThobile.