HOUSE OF ZWIDE
Ngo-7 ebusuku ku-e.tv
UZANELE kumele athathe isinqumo phakathi kukaFaith noFunani. UFunani uthola indlela yokuxhumana no-Ona. UMolefe uyaqhubeka nokufihla u-Isaac emndenini. UDorothy uholela ekutheni uRea athole into eshaqisayo. USandile uphula umthetho ukuhlenga uZanele ekuthatheni isinqumo esingaphusile. URea ubuza uBra Carter ngobugebengu. ULaz uzama konke uma ebona sengathi uFunani akalinakile ibhizinisi. UFaith uthatha isinqumo esinqala ukugudluza uBusi.
MUVHANGO
Ngo-9 ebusuku kuSABC 2
UTENDAMUDZIMU ufakela uSusan ingcindezi. UTendamudzimu ubekela uSusan (Maumela Mahuwa) umnqamulajuqu okunzima ukuwugcina. UMpho unento ezomangaza uTendamudzimu ngoba akayilindele. USusan uyashaqeka uma uBorosi emcela ukuthi amxolele ngokhetho. U-Azwindini uthola ukuthi uRosemary unyamalele. UVho-Masindi akajabule ngokuthi uShaz usebenzisa incwadi kaVho-Mukondeleli yezinongo. UMpho uzwa amazwi kodwa uyacasuka ngoba akazi ukuthi kumele enzeni ngawo. UTenda uyakhathazeka ngokuziphatha kukaMpho. ULowani uyashaqeka uma ethola kuSusan ukuthi uTenda ubephezu kwani. UVho-Masindi noMakhadzi bayaphikisana ngezinhlelo. UKgosi akatholi ukuthi ngekabani inombolo.
DIEPCITY
Ngo-8.30 ebusuku kuMzansi Magic
UNOX uvumela imizwa yakhe igxambukele ebhizinisini likanina nokuyinto emdumazayo. UNox uthola izindaba ezimnandi. UMaureen uzithola esenkingeni uma bemjikela. Ibhizinisi likaSne lenkukhu eyosiwe liyachuma futhi uxosha uThemba. UMgedeza ujezisa uMaureen ngokungamhloniphi. AmaWrong-turns ayaphikisana. UNox namantombazane bathola ithuba elikhulu lebhizinisi.
THE QUEEN
Ngo-9 ebusuku kuMzansi Magic
IQHINGA likaLondiwe liyasebenza. Impilo yoZulu ishintsha izigubhukane. Kukhona u-Olerato akubonayo. AbakwaKhoza bayophonswa imibuzo. ULondiwe ucela umfowabo, uLitha, ukuthi amsize ngeqhinga lakhe. Iphoyisa uMbele lihloma uHarriet ngemibuzo. UPatronella, Mjekejeke noSchumacher bayahluleka ukufihla isidumbu sikaBasil. UMjekejeke noSchumacher bacabanga ukulungisa inkinga yabo uPatronella engazi. ULondiwe ubona sengathi izinhlelo zakhe zihamba ngendlela. UHarriet uzama ukuthola ukuthi ngubani impimpi.
UZALO
Ngo-8.30 ebusuku kuSABC 1
USBU ufeza iphupho lakhe elikhulu lokuqumba phansi uNkunzi, ngabe uphumelele? UHleziphi uthola ubufakazi obungase buqede ngoKwanda noNonka. Impilo kaNkunzi isengcupheni ngesikhathi uSbu ecabanga ukuthi impilo yakhe izoba njani ngaphandle kukaCool Kruger. UHleziphi uyathunjwa. UNonka uthola ubufakazi bokuthi uKwanda udayisa izidakamizwa. UKwanda uhlukumeza uHleziphi ukuze athole izidakamizwa zakhe. UNyawo uyashaqeka uma ezwa ukuthi uNkunzi ufile. UMbatha (Thabo Mnguni) uthungatha ozoba wumamfundisi. AbakwaXaba bathola izindaba ezishaqisayo.
SCANDAL!
Ngo-7.30 ebusuku ku-e.tv
ULAYLA wenza konke okusemandleni akhe ukuvikela uKhanyi-Jewel. Owesilisa uyashaqeka uma ethola ukuthi ayethandana naye uphezu kwani. UGloria ubona ukuthi akuyona yonke into angayilawula. UPertunia uxwayisa uMbali ngokushintsha komuntu okungase kumphazamise. Owesifazane ubuza umyeni wakhe ngemizwa anayo ngomunye. UGloria noCaiphus bathola izindaba ezithusayo. Uma umnyango uvaleka kuMo, kunomunye ovulekayo. Owesifazane unyamalala namathemba namaphupho omunye. UNhlamulo (Matthews Rantsoma) uvuma imfihlo ukuze ezothembeka.
GENERATIONS: THE LEGACY
Ngo-8 ebusuku kuSABC 1
UNKOSIYABO ucabanga ukuthi usenhlanhleni. UKabisi uphazamisa umhlangano futhi unezinsolo. AbakwaDiale bafuna ukusiza uMbali abuyelwe amandla. UFikile kumele akhethe ukuthi ukuthembeka kwakhe kungakuphi. ULelethu uyavuma ukuzenza isilima ngenxa yothando. ULucy useqala ukuzisola ngokucela usizo kuZondiwe. Kuphakama imimoya ngesikhathi kulungiselelwa umcimbi. UKabisi uzokwenza noma yini ukuthola ulwazi alufunayo. U-Ayanda wenza konke ukusindisa umshado wakhe. AbakwaDiale baqhubeka nempilo bengazi ukuthi balengela engozini.