UMHLANGANISO ugcine udliwe nguZipho Dlangalala ohlwini lwabaqeqeshi abane abebegaqele umsebenzi wokuqeqesha iMaritzburg United eyohekana nomqansa kwiMotsepe Foundation Championship.
ITeam of Choice isikhiphe ngoMsombuluko isitatimende ebesiqinisekisa ukuthi uDlangalala uyena ozovala isikhala esivuleke ngokuhamba kukaFadlu Davids ohluleke wancama ukusindisa leli qembu ezembeni.
“Ukuqashwa kukaZipho kuze ngemuva kokuhlungwa ohlwini olwabekade begaqele lo msebenzi.
“Amalungu ebhodi labaqondisi ayakholelwa ekutheni unakho konke okungasiza iqembu ukuthi libuyele esigabeni esikhulu.
“Sekuqedwa konke ngenkontileka yakhe yonyaka owodwa okulindeleke ukuthi kuwo abuyisele iqembu kwiPremier Soccer League.”
Sifundeka kanje lesi sitatimende nokho esingadaluli ukuthi ubani ozoba yisekele likaDlangalala.
Okuningi uzokuthola kwiSolezwe ngoLwesibili...