NGEKE abe yingxenye yomqhudelwano wokuqala we-SA20 ukaputeni weqembu lesizwe lekhilikithi, uTemba Bavuma, njengoba engathengwanga ngesikhathi kunendali yabadlali ngoMsombuluko.
UBavuma ubebiza uR850 000 kuya phezulu kodwa alikho iqembu kwayisithupha azobamba iqhaza emqhudelwaneni ngoJanuwari wonyaka ozayo, elikhombise ukumthakasela, ngisho esedayiswa okwesibili.
Uke walimala indololwane ngoJuni kodwa useluleme futhi kule nyanga uzohola amaProteas uma esevakashele e-India, nasemidlalweni yeNdebe yoMhlaba yeT20 ngenyanga ezayo.
Umqeqeshi weDurban Super Giants, uLance Klusener, uthe bekulindelekile ukuthi abanye abadlali bangathengwa ngoba amaqembu anezikhala ezikaliwe okumele azigcwalise futhi ekalelwe nemali angayisebenzisa.
“Kunzima impela ngoba baningi abadlali abebelwela izikhala ezibaliwe. Kukhombisa ukuthi uma ungumdlali osezingeni eNingizimu Afrika, akusho ukuthi uhlonishwa ngendlela efanayo emhlabeni wonke,” kusho uKlusener.
"Mhlawumbe lokho kuzokwenza ukuthi abadlali abangazange bakhethwe, basebenze kanzima ngonyaka ozayo."
Bakhona abanye abadlali abagqamile abasale ngaphandle u-Andile Phehlukwayo, Pieter Malan, Lutho Sipamla, Glenton Stuurman, Farhaan Behardien, Ross Taylor nabanye.
Umdlali othengwe ngemali enkulu kunabo bonke kube ngowakuleli, uTristan Stubbs, othengwe yiSunrisers Eastern Cape ngoR9.2 million.
Abanye abadle eshisiwe nguRilee Rossouw (R6.9 million), Marco Jansen (R6.1 million), Wayne Parnell (R5.6 million) noDonavon Ferreira (R5.5 million).
Amaqembu azodlala kwiSA20:
Durban Super Giants: Quinton de Kock, Prenelan Subrayen, Jason Holder, Kyle Mayers, Reece Topley, Dwaine Pretorius, Heinrich Klaasen, Keemo Paul, Keshav Maharaj, Kyle Abbott, Junior Dala, Dilshan Madushanka, Johnson Charles, Matthew Breetzke, Christiaan Jonker, Wiaan Mulder, Simon Harmer.
Joburg Super Kings: Faf du Plessis, Gerald Coetzee, Maheesh Theekshana, Romario Shepherd, Harry Brook, Janneman Malan, Reeza Hendricks, Kyle Verreynne, George Garton, Alzarri Joseph, Leus du Plooy, Lewis Gregory, Lizaad Williams, Donavon Ferreira, Nandre Burger, Malusi Siboto, Caleb Seleka.
MI Cape Town: Kagiso Rabada, Dewald Brevis, Rashid Khan, Liam Livingstone, Sam Curran, Rassie van der Dussen, Ryan Rickelton, George Linde, Beuran Hendricks, Duan Jansen, Delano Potgieter, Grant Roelofsen, Wesley Marshall, Olly Stone, Waqar Salamkheil, Zuyaad Abharams, Odean Smith.
Paarl Royals: David Miller, Corbin Bosch, Jos Buttler, Obed McCoy, Lungi Ngidi, Tabraiz Shamsi, Jason Roy, Dane Vilas, Bjorn Fortuin, Wihan Lubbe, Ferisco Adams, Imraan Manack, Evan Jones, Ramon Simmonds, Mitchell van Buuren, Eoin Morgan, Codi Yusuf.
Pretoria Capitals: Anrich Nortje, Miguel Pretorius, Rilee Rossouw, Phil Salt, Wayne Parnell, Josh Little, Shaun von Berg, Cameron Delport, Will Jacks, Theunis de Bruyn, Marco Marais, Will Jacks, Jimmy Neesham, Kusal Mendis, Daryn Dupavillon, Shane Dadswell, Eathan Bosch.
Sunrisers Eastern Cape: Aiden Markram, Ottniel Baartman, Marco Jansen, Tristan Stubbs, Sisanda Magala, Junaid Dawood, Mason Crane, Jon-Jon Smuts, Jordan Cox, Adam Rossington, Roelof van der Merwe, Marques Ackerman, James Fuller, Tom Abell, Aya Gqamane, Sarel Erwee, Brydon Carse.