UDJ osezakhele udumo endimeni yezikaqedisizungu uthi abantu mabamxolele kancane ngokumcela izinto, naye uyaziphantela.
ULamiez Holworthy uzikhalele emakhasini akhe ezokuxhumana. “Baningi abantu engihlangana nabo bangicele imali, abanye bathi bakhulelwe bafuna ukuya ezibhedlela ezizimele, babodwa abafuna ngibathengele amafoni. Cha, ngibona ukuthi sekwanele manje,” kukhala le ntokazi eshade nomculi we-rap odumile, uKuli Chana.
Le ntokazi abaningi bazoyikhumbula ngohlelo lomculo ebeyilushayela kwithelevishini iLive-Amp ihambisana noDJ Speendsta.
ULamiez ungumzali njengoba esanda kuthola ingane nomkhwenyane wakhe.
Ngaphandle kokuba wuDJ unohlelo alwethula kwiMetro FM ngezimpelasonto.