Kuzovulwa ngenyanga ezayo ukubhalisa kwabafundi abenza uGrade 1 noGrade 8 eMnyangweni wezeMfundo eGauteng.
Ungqongqoshe wezemfundo kulesi sifundazwe uMatome Chiloane uthe uhlelo lokubhalisa ngezobuchwepheshe besimanje luzovulwa inyanga eyodwa kuphela.
UChiloane uthe uhlelo lwabo luthuthukiswe kakhulu futhi uyabakhuthaza abazali babafundi ukuba bangadembeseli kodwa babhalise kusenesikhathi.
Uthe ukubhalisela unyaka u2024 wokufunda kuzovulwa ngomhla ka 15 Juni 2023 kuvalwa ngomhla ka 14 Julayi.
“Sizoba nenyanga eyodwa egcwele ukuvumela abazali ukuba babhalise izingane zabo, siluthuthukisile uhlelo olusetshenziswayo. Njalo uma kusondela isikhathi sokubhalisa, siyaluthuthukisa uhlelo ngezindlela eziningi ukuze abalusebenzisayo bangabi nezinkinga,” kusho yena.