UKHATHAZEKILE umndeni kajele waseWestville oduke eya emsebenzini.
UNksz Nondumiso Nkabinde waseNanda uduke ngoNovemba 2 eya emsenzini. Umndeni kajele uthe ubuzitshela ukuthi uzobuya kwangenzeka.
Unina omncane kaNksz Nkabinde (32), uNksz Dedi Nkabinde, uthe baqale ukukhathazeka bebona engabuyi nezinsuku zanda. “Samgcina ngoLwesihlanu eya emsebenzini sazitshela ukuthi kukhona lapho eye khona. Kuthe ziqhubeka izinsuku sathinta abasemsebenzini sibuza ukuthi bamgcina nini bathi ngoLwesihlanu akazange afike emsebenzini. Sibe sesikhathazeka. Iselula yakhe ibingasangeni kuze kube manje,” kusho uNksz Nkabinde.
Uthe abazi lutho ngesoka ngaphandle kukayise wezingane zakhe ohlala ePitoli wathi sebethinte bonke abantu bebuza ngoNksz Nkabinde kodwa abatholi lutho. “Sesivule icala. Siyathemba uzotholakala ephila,” kusho uNksz Nkabinde.
Okhulumela amaphoyisa KwaZulu-Natal, uColonel Thembeka Mbele, uthe basamthungatha. Amaphoyisa anxuse ongaba nolwazi ngokuduka kwakhe ukuba athinte amaphoyisa ngokushesha.