Amaphoyisa athungatha abasolwa abadubule babulala umfana oneminyaka emihlanu ngesikhathi beduna imoto elokishini laseSoshanguve.
Lokhu kwenzeke ngoLwesihlanu ebusuku ngesikhathi owesilisa efika emzini wakhe ehamba ngeveni elihlophe leToyota. Bekungezithuba zika-10.30pm ngesikhathi efika ekhaya wahlangantshezwa yindodana yakhe esencane. Lo mlisa ungena ekhaya nje uphelezelwa yizigebengu ezimuvimbezele zizama ukuthatha imoto yakhe.
Kuzwakale kuduma izulu lezandla ngesikhathi kuthathwa le moto nokuyilapho okubonakale khona ukuthi kudubuleke le ngane, ephuthunyiswe esibhedlela kodwa ngeshwa yafike yaphelela khona.
Amaphoyisa aphenya icala lokubulala nokudunwa kwemoto. Amaphoyisa anxusa umphakathi ukuba usondele ngaphambili nolwazi olungasiza kuboshwe abasolwa.