KUSOLWA udlame lwasekhaya ngokufa kwababili ngeSonto ebusuku enxanxatheleni yezitolo iGateway, eMhlanga
Lokhu kwenzeke ngo-7 ebusuku lapho kupakwa khona izimoto.
Imibiko evela endaweni yesigameko ithe kuqhamuke owesilisa ezohlangana nowesimame amaziyo. Lo mlisa ukhiphe isibhamu wadubula owesimame ngaphambi kokusiphendula asibhekise kuyena.
AbeKZN VIP Protection Services bafike endaweni yesigameko bathola owesilisa nowesimame bedindilizile endaweni yesigameko.
“Bekungekho okungenziwa ukubasindisa ngoba bese beshonile. Sidlulisa amazwi enduduzo emindenini eshonelwe, kusho abeKZN VIP Protection Services ekhasini labo leFacebook.