BASALE bethuthumela egaraji likaphethroli emgwaqweni uKingsway eWarner Beach kudutshulwa umuntu.
Abe-Netcare 911 babizelwe kule ndawo eseNingizimu yeTheku ngemuva kwalesi sigameko esenzeke ngo10.18 ngoLwesibili ekuseni.
Imibiko evela endaweni yesigameko ikhomba ukuthi ngudlame lwabamatekisi oluholele kulokhu.
“Abezimo eziphuthumayo bafike bathola owesilisa ehleli emotweni ebinenqwaba yezimbobo zezinhlamvu. Naye ubenamanxeba amaningi okudutshulwa emzimbeni,” kusho uShawn Herbst okhulumela abeNetcare 911.
Lo mlisa ulashelwe kule ndawo kwabonakala ukuthi usephangalele.