KUFE oyedwa kuxabana izelamani eNU6 eMotherwell e-Eastern Cape, ngempelasonto.
Owesilisa oneminyaka engu-32 ubudala uvele eNkantolo yeMantshi eMotherwell ngoMsombuluko ngecala lokubulala umfowabo.
Ngokombiko ovelayo, umsolwa uxabane nomfowabo (35) ngabo-00.15 ezintatha zangoMgqibelo ekhaya, kwaphetha ngokuthi amgwaze.
Umgilwa uphuthunyiswe emtholampilo waseMotherwell okuyilapho ephangalale ekhona.
Umsolwa uboshwe khona lapho kwathathwa nommese osetshenzisiwe.