KUKHALWA ngesihluku kutholakala abesifazane ababili bebulewe ngezikhathi zasekuseni namuhla kwaJeena eMlaza.
KUKHALWA ngesihluku kutholakala abesifazane ababili bebulewe ngezikhathi zasekuseni namuhla kwaJeena eMlaza.
Abantu bebelokhu bekhale njalo ngesihluku abasibonile ngabesifazane ababili abatholakale benqunu sebeshonile.
Ikhansela lakwa-ward 76, okuyindawo lapho betholakale khona, uMnuz Jabulani Maphumulo uthe bayile endaweni yesigameko emva kokuthola ngaso.
“Nakuba sifike sezithathiwe izidumbu kodwa ngikwazile ukuthola ukuthi amantombazane awandawonye. Omunye ubeneminyaka engu-18, omunye enengu-28,” kusho uMaphumulo.
Uthe bathole ukuthi abaseSipingo.
“Akucaci kahle ukuthi babulawelwephi noma babulawe kwenye indawo base bezolahlwa ngapha, asinaso isiqiniseko salokho,” kusho uMaphumulo, othe bayile emndenini wabo, abawufice kusenzima ukuthi ukhulume ngesigameko ngoba ubusasanda kuthola ngaso.
Imizamo yokuthola umndeni ibingakaphumeleli.
Ukuphawula kwamaphoyisa bekungakatholakali ngesikhathi sokushicilela..