UMPHAKATHI usola abeZama Zama ngokubulawa kwabantu abane ejoyintini eliseFlorida eGoli.
Kuthiwa isigameko senzeke ngeSonto ngo-5 ekuseni. Yize ingakacaci kahle imbangela yalokhu kuhlasela, kodwa amalungu omphakathi endaweni asola ubugebengu nezimpi zabeZama Zama.
“Ngizwe ngabazibonele ngawabo ukuthi kunabesilisa basendaweni abafike kule ndawo eyishibhi, baphoqa umnikazi ukuthi avule. Bekungakavulwa ngoba bekungo-5 ekuseni kodwa kukhona abesilisa abangamaZama Zama abebelele phakathi. Kuthiwa laba basolwa bafune imali kumnikazi wendawo, ngaphambi kokuba bavulele ngenhlamvu,” kusho ilungu lomphakathi likhuluma nabezindaba abahambele endaweni yesigameko.
Four people have been shot dead at a shebeen in Florida, Johannesburg. Community members blame illegal miners in the area and are now threatening to take to the streets. #DStv403 #eNCA
— eNCA (@eNCA) October 23, 2022
Story here: https://t.co/njQA0MKCyv pic.twitter.com/gq5nyzXPIw
Amaphoyisa asendaweni yesigameko njengoba uphenyo lusaqhubeka.