AbeSouth African Social Security Agency (Sassa) KwaZulu-Natal bamemezele izinguquko ngohlelo lokukhokhwa kwezibonelelo zikahulumeni.
Ngokwesitatimende sabo, imali yesibonelelo ayisezukuholwa eposini njengokujwayelekile.
“Ukuholelwa kwezibonelelo eposini kuzoba nokuphazamiseka ngenxa yokuthi iposi linezinselelo zokungabi nayo imali yokukhokhela abahlomuli,” kusho isitatimende.
Abahola imali yesibonelelo bangasebenzisa izitolo ezifana neShoprite, Usave, Checkers, Pick ‘n Pay naseBoxer futhi bazokwazi ukuyithola nakuma-ATM.
Labo abahola isibonelelo sabangasebenzi sika-R350 abakhetha ukuyihola eposini, kumele baguqule indlela abazoyihola ngayo le mali ngokungena kwiwebsite ethi: www.srd.sassa.gov.za ukuze bakhethe kabusha izindawo lapho bezoyikhipha khona imali yabo.