ININGIZIMU Afrika ivuke ngezindaba ezibuhlungu njengoba kungoLwesine. Kudlule emhlabeni uMnuz Essop Pahad (84) owabamba elikhulu iqhaza emzabalazweni wenkululeko njengelungu le-ANC neSacp.
Esitatimendeni esikhishwe izingane zakhe sithi, “Kubuhlungu kakhulu ezinhliziyweni zethu ukunazisa ngokudlula emhlabeni kuka baba wethu uMnuz Essop Pahad, odlule emhlabeni ezintatha zanamuhla elele.
Ubengalona nje kuphela iqhawe lo mzabalazo kodwa ubephinde abe ubaba, umkhulu, ubhuti kwabanye. Ngebhadi ubesesigabeni sesine somdlavuza, nokunguwona omthathile,”kusho isitatimende.
Uzofihlwa ngoLwesine okwamanje kusaqedelwa konke ngemininingwane.
UPahad uke waba uNgqongqoshe ehhovisi likaMengameli Thabo Mbeki, akade ezwana kakhulu naye. Ukhulele kwi-ANC nakwi SACP.
UPahad ubesondelene kakhulu nomndeni wakwaGupta, uke waba ngomunye wabaqondisi be TNA Media eyayiphethe iNew Age okuyiphepha elalisungulwe umndeni wakwaGupta.
