AMAPHOYISA athungatha abasolwa abadubule babulala abantu ababili ngesikhathi sebeyongena nenkantolo.
Bahlaselwe ngoshayasibhamu abangaziwa ababili, okungowesilisa, nowesifazane ngesikhathi sebeyongena enkantolo ngoLwesithathu ekuseni ngizithuba zabo-7.
Okhulumela amaphoyisa eGauteng uLt Col Mavela Masondo, uthe amaphoyisa athungatha abasolwa abebehamba ngemoto yohlobo lweMercedes-Benz emnyama.
“Owesilisa, nowesifazane badutshulwe babulawa ngaphandle kwenkantolo yeMantshi eRandburg, ngoLwesithathu ekuseni. Bahlonzwe njengabashonele endaweni yesigameko,” kusho uLt Col Masondo.
Uthi imbangela yokuhlaselwa kwabo kayaziwa okwamanje kodwa amaphoyisa ayaphenya.