KHETHA SANGWENI
ELAMANQAMU namhlanje eNkantolo eNkulu ePitoli njengoba kulindeleke ukuthi iJaji Tshifhiwa Maumela linqume ngesicelo sikaZandie Khumalo sokuthi kukhishwe abezindaba uma esethula ubufakazi. UMeyiwa owayengunozinti we-Orlando Pirates neBafana Bafana wadutshulwa wabulawa ekubo kwentombi yakhe uKelly Khumalo ngo-2024 eVosloorus, eGauteng.
UZandie ongudadewabo kaKelly Khumalo, umangaze abaningi ngoMsombuluko eqhamuka nesicelo sokuthi akukhishwe abezindaba kungenjalo ngeke afakaze.
Kuphoqeleke ukuthi abameli bafake amaphepha baphikisane ngodaba phambi kwejaji bese lona liyanquma ngokuthi yini okufanele yenzeke. Kubangwe udaba kwaze kwaba wuLwesithathu, ijaji, izinhlangothi zonke, zaphothula izethulo zazo. Ijaji lithembise ukubuya nesinqumo namhlanje ngoLwesine ekuseni bese kuqhubeka icala.
Kuthe kusaqahubeka udaba enkantolo uZandie ngapha ezinkundleni zokuxhamana ubengabanike thuba abamgxekayo. #isolezwengempelasonto