AMADODA amathathu avele phambi kweMantshi yaseKlerksdorp ngecala lokweba ingwenya.
Laba basolwa abaseminyakeni ephakathi kuka-20 no-35 babhekene necala lokuphula umthwetho kazwelonke wokuphathwa kwemvelo ka-2004 (Act No. 10 of 2004).
Baboshwa ngoLwesine olwedlule ngemuva kokuthi uphiko oluphenya amacala okwebiwa kwemfuyo evikelekile eStilfontein lulunywe indlebe ngokwebiwa kwengwenya epulazini eliseHartebeesfontein.
Kuthiwa ingwenya yohlobo lweNile ingu-2.5meter ubude kanti ibiza u-R25 000-00 yatholakala ifihlwe ngaphansi kwezigxobo zezihlahla. Abasolwa babonakala behamba ngeveni okukholakala ukuthi iyona eyayisetshenziswa kuthuthwa lesi silwane.