KUJUTSHWE ithimba elikhethekile emaphoyiseni aseGauteng ukuba aphenye futhi abophe abasolwa abayisithupha ababulale amantombazane amabili emijondolo yaseSoshanguve ngeSonto.
Kuthiwa laba basolwa baqale ejoyintili iChanging Spot emijondolo yaseSoshanguve ngeSonto ebusuku adubula abantu abebekhona. Kufe ababili (owesilisa nowesifazane) kwalimala kabi abanye abane.
Abasolwa basuke kule ndawo banikela komunye umjondolo okule ndawo. Kulo mjondolo bafike badubula babulala izelamani ezingamantombazane amabili uMpfumo (4) noTinyiko (7) ngaphambi kokuba bawushise ziphakathi izingane.
Okhulumela amaphoyisa eGauteng uLt-Col Mavela Masondo uthi uphenyo lokuqala luveza ukuthi abasolwa bebefuna uyise wezingane emzini wakhe ngesikhathi kubulawa lawa mantombazane.