INKANTOLO yeMantshi eThekwini inqabele ibheyili abasolwa ngokubulala umculi u-Kiernan “AKA” Forbes nomngani wakhe uTebello “Tibz” Motsoane.
Laba basolwa okungoMnuz Lindokuhle Mkhwanazi (30), Lindani Ndimande (35), Siyanda Myeza (21), Mziwethemba Gwabeni (36) kanye noLindokuhle Ndimande (29), bebevele enkantolo ukuzwa umphumela ngesicelo sabo sebheyili.
IMantshi uVincent Hlatshwayo, uthe kunobufakazi obuqanda ikhanda ngalaba basolwa kanti umsolwa wesithathu, uMyeza wadlala indima ebalulekile ukuqinisekisa ukusocongwa kwalo mculi, waveza ukuthi nguye owahlela ukuthi kutholakale izibhamu kanye nezimoto ezasetshenziswa.