Bavele ngoLwesithathu enkantolo yeMantshi KwaDukuza abasolwa abathathu ababoshelwa ukuphatha izibhamu nezinhlamvu okungekho emthethweni.
Kubikwa ukuthi amaphoyisa abelandela umkhondo wowesilisa okuthiwa uphethe izibhamu ezingekho emthethweni ngoLwesibili. Umkhondo wamaphoyisa uwaholele eNhlangwini, KwaDukuza, lapho umsolwa (24) etholwe nezibhamu ezimbili nezinhlamvu eziyisithupha.
“Umsolwa ubehleli namanye amabhungu amabili aneminyaka engu-20 no-21 nawo aboshiwe ngoba ephethe izinhlamvu ezingu-65 zezibhamu ezahlukene.
Isibhamu esisodwa esithathwe kumsolwa wokuqala sisuswe izinombolo zaso. Amaphoyisa azozihlola izibhamu ukuqinisekisa ukuthi azikaze zisebenze kobunye ubugebengu.