U-DJ wodumo lwengoma yama-piano eshisa izikhotha njengamanje ethi Abajuluke uvele phambi kwemantshi yaseRandburg ngecala lokushaya.
Lo DJ ogamalakhe langempela wuThemba Sonnyboy Sekowe uboshwe ngeSonto ngecala lokushaya intombi yakhe engumlingisi uDJ Thulisile Phongolo.
Imibiko evelayo ithi uThulisile ubequlisa leli soka lakhe ngesigameko esenzeke ebumnandini lapho bexabane khona kwashuba.
Le ntokazi itshele amaphoyisa ukuthi umsolwa uyishaye waze wayiklinya.
Icala livulwe esiteshini samaphoyisa eSandton ngalo usuku aboshwe ngalo umsolwa.
UMaphorisa unikezwe ibheyili kaR4000, icala lakhe lihlehliselwe umhla ka 14 Juni nonyaka lapho azokkwethula uhlangothi lwakhe emva kokuvela kodaba lokuthi umgilwa uhoxise isitatimende sakhe enkantolo.
“UThulisile ufake isicelo sokuhoxisa isitatimende futhi uvelile enkantolo lapho evume khona ukuthi umsolwa anganikezwa ibheyili kaR4000,” kusho abeNPA ngesitatimende.