YAPHINDA yafika impelasonto kaKhisimusi ebophele inqwaba yezindawo ongazijuxuza kuzo. Nazi ezinye zazo;
Namhlanje:
-Kuyafiwa kwi-1st annual Gingindlovu Summer Festival, eThe Sunbird, eGingindlovu. Kuqala ngo-10 ekuseni kanti amathikithi atholakala eComputicket ngoR150 kuya phezulu. Kuboshelwe uKhuzani, Bello noGallo, Character, Zakwe & Duncan, DJ Gukwa, Benzy, The Billionaires, Afrosoul nabanye.
-Kungenwa mahhala hha, eNsuze Sports Field kwiNdwedwe Music Festival. Kunandisa uKhuzani, Saliwa, Shwi Mantombazane, DJ Target noNdile, Inkosi Yamagcokama, Nomfundo Moh nabanye.
-Kuzoba buhlungu izisu kwiSimphiwe Shembe Christmas Comedy Show eProtea Hotel, Karriede Beach, eThekwini. Amahlaya azoqhululwa umhleli womcimbi uSimphiwe, Siyanda Maphumuko, Amawele AseChesterville, Maka Thang’thini noCharles Mthethwabese kuthi uMike Makhosini noDJ Wonder, badedele inamba. Amathikithi abiza uR200 Webtickets kanti azoba uR250 emnyango.
Kusasa:
-Inkabi Records yethula iBig Zulu Homecoming Festival eBergville Sports Complex. Kuzodlala wonke amaciko ayo inkabi okungoMduduzi Ncube, Lwah Ndlunkulu, Siya Ntuli, Big Zulu noXowla, Sjava, Khuzani, DJ Tira, Blaq Diamond nabanye. Amathikithi aqala kuR200 eComputicket, Tickeptro naseWebtickets.
-Ungaphuthelwa yiMgungundlovu Music Festival eGolden Horse, eScottsville. Kunandisa iBig Nuz, DJ Tira, Khuzani, Vusi Nova, Sef Kombo nabanye. Amathikithi aqala kuR100 eeWebtickets.
NgeSonto:
-Uyakuphinda lokho uDJ BZ ngendumezulu iDJ BZ Home Coming, KwaMsane Sports Field, eMtubatuba. Uphethe uDJ Tira, Que DJ, Enoo Napa, SOS, DJ Fhiso, Gqomoza, Mapwell, 8Hours, Mabekezela nabanye abaningi. Amathikithi aqala kuR100 eComputicket kanti esangweni azoqala kuR150.
-UMthuthu uzocula bukhoma kwi-Indumba Music Experience KwaZakes, oLundi, ngo-4 kuya ku-5 ntambama. Kungenwa mahhala!
-Shona phansi ‘mawuthanda kwiDJ Amenisto Christmas Jam! Izoba seKhayalethu Stadium, eJ2, eSikhaleni. Amathikithi asekhona eComputicket futhi aqala kuR100.
-UJumbo, Nkanyiso Miya, Lungelo Hlongwane, Malusi Mbokazi noSebe Nzuza bazocula bukhoma kwiGospel Show eyingxenye yoMgungundlovu Music Festival eCity Hall, eMgungundlovu. Ithikithi uR180 eWebtickets.
NgoMsombuluko:
-#Siyedamini eHazelmere Dam kwiDurban Jazz Festival egubha iminyaka engu-20. Kuboshelwe uThandiswa Mazwai, Ernie Smith, Mandisi Dyantyis, Judith Sephuma, Simphiwe Dana, Selaelo Selota, Zahara, Shekhinah, Mondli Ngcobo, Naima Kay, Tutti Grooves nabanye abaningi. Amathikithi asatholakala eWebtickets nasePick n Pay kusuka kuR350.
-Liyabhubha kwiKwaNgcolosi Music Festival, eGabha, KwaNgcolosi. Kudlala uBabes Wodumo, DJ Happy Gal, Emza, Bhar, Madanon, Skills, Sjerere, Sbo Da Poet, Xola TSM, nabanye. Amathikithi azotholakala esangweni ngoR100
-Kuzofiwa kwiMusic Fun Fiesta eDa Chillerz Lounge, oLundi. Kukhona uDlala Thukzin, Beast, Mnqobi Yazo, Wiseman Mncube, DJ Sithelo, Pzet noPianola nabanye. Amathikithi aqala kuR100 eTicketpro naseSpar.
NgoLwesibili:
-Kuzodabuka imbadada kwiKwaNgcolosi Cultural Celebration eGalaji Outdoor Concert Venue, ngaseNanda Dam, eWushwini. Kuboshelwe uQadasi noMaqhinga, KwaNgcolosi Zulu Dancers, Shabalala Rhythm, Matshitshi Ngema, Thee Legacy, Zulu Messengers nabanye. Ithikithi uR20 esangweni.
-Ziyabuya kwi-Amcor Dam Music Festival, eNewcastle. Kunandisa uNkosazana Daughter, Sir Trill, Big Zulu, Mr Jazziq, Khuzani, AmaRoto, DJ Tira, Intaba YaseDubai, Mdu Masilela, Big Nuz, Nzwiri, Dladla Mshunqisi nabanye abaningi. Amathikithi aseTicketpro aseSpar ngoR120 kuya phezulu. #AsambeManje!