Kushaqeke abaningi kuvela izindaba zokudlula emhlabeni komlingisi uMpho Sebeng okuthiwa ube sengozini yemoto izolo ekuseni.
UMpho (30) ulingise emidlalweni eminingi okubalwa kuyo iThe Queen, Ring of Lies, Scandal, Saint and Sinners neminye.
Umethuli wezinhlelo zethelevishini uZola Hashatsi ubhale ekhasini lakhe ku-X ukuthi uMpho ufe engozini yemoto ngaseKlerksorp, ngeSonto, ekuseni.
It is with a sad, deep, painful heart to announce the passing of a young brother, friend I took in to replace us when we exited @craze_tv, a thespian that was @mpho_sebeng he was in car accident this morning around Klerksdorp, this one hurts. #RIPMphoSebeng 💔💔💔💔😭😭😭😭 pic.twitter.com/CQxH3TplB6
— Zola Hashatsi ka Motsiri (@zola_hashatsi) May 5, 2024
Lishone elayizolo sebeqalile ukudlulisa amazwi enduduzo ezinkundleni zokuxhumana abantu abahlukene kulandela ukuvela kwezindaba zokudlula kwalo mlingisi obedabuka eSoweto.
Esithombeni agcine ukusifaka ekhasini lakhe ku-Instagram ezinsukwini ezintathu ezedlule, abantu bebedlulisa khona ukuphatheka kabi ngokushona kwakhe.
STATEMENT:
— Kgopolo (@PhilMphela) May 5, 2024
The official statement on the passing of actor Mpho Sebeng. #RIPMphoSebeng pic.twitter.com/hLSMbL6tRR
Ekhasini elibungaza abalingisi i-Actorspaces kubhalwe: “Besikuthanda. Lala uphumule nkosana. Ushiya isikhala esikhulu. Kufa ungaziqhenyi.”
Umlingisi uKanyi Mbau okhombise ukushaqeka ukuthi kube kuhle ukwazana nalo mlingisi.