MINYAKA yonke ngalesi sikhathi sonyaka, kusuke sekuqala ukuntwela ezansi ngezingoma esingazibheka ukuthi zingasingenisa onyakeni olandelayo.
Kweminye iminyaka kuvamise ukuthi kube nezingoma ezisuke seziqalile ukukhombisa ukuthi zizoshisa umbango futhi zidlalwa kakhulu yonke indawo. Uma zingakaveli ezibangayo kuvamise ukuthi kubekhona esuke isiphenduke iculo lesizwe ngokudlalwa yonke indawo futhi wonke umuntu eyazi ukuthi ekabani.
Nyakenye kuzokhumbuleka ukuthi akekho obengayazi i-Osama ngalesi sikhathi sonyaka.
Kulokhu ayikho ingoma esikuleli zinga lokuthi abantu abangazitshela ukuthi iyona engabawelisela ku-2023. Ebukeka iza kahle kuseyiSete kaKO kodwa ayikakafiki ezingeni lokuba yiculo lesizwe njengoba kwenzeka kwezinye. KwiTop 20 yoKhozi FM ikhona le ngoma.
Sibheke kwezingu-10 ezingaphezulu lapho okuvela khona nayo. KuKhozi FM kukhona iBanike kaMobi Dixon ft Mafikizolo, Sete kaKO ft Young Stunna & Blxkcie, Hamba Wena kaDeep & Boohle, Last Last kaBurna Boy, Lemons (Lemonade) ka-AKA noNasty C, Crazy Vibez kaLuxury SA, Sengizwile kaMas Musiq, Clam Down kaRema noSelena Gomez, Put your Hands Up kaCassper Nyovest ne-Unholy kaSam Smith Ft Kim Petras.
KwiGagasi FM sibheke eziyisithupha eziphezulu kwavela iSikilidi kaDJ Tira Ft Vrious Artists, Hamba Wena kaDeep London ft Boohle, Voicemail kaBig Zulu ft Inkabi Nation, Azul kaDJ Kari, Zero, Lebzito ft Mfana Kah Gogo, Sete kaKO ft Young Stunna & Blxckie,
KwiMetro FM Top 30 Chart ikhona kwiTop 5. Khona zimi kanje Sete kaKO ft Young Stunna & Blxkcie, Lemons (Lemonade) AKA ft Nasty C, Thokoza kaSam Deep Mahwoo, Mina Nawe kaSoa Mattrix noMashudu ft Happy Jazzman & Emotionz DJ neFor My Hand kaBurna Boy ft Ed Sheeran.
KuMhlobo Wenene Top 20 ikhona kwezingu-10 eziphezulu iSete nekaDJ Tira, iSikilidi kube eyeDeep London ft Boohle neLemons (Lemonade) ka-AKA ft Nasty C okungezinye ezivelayo kweminye imisakazo.
KwiTrue FM ikhona kwezingu-10 eziphezulu kwiTop 20 yakhona, iSete ka-K.O ft Young Stunna & Blxcie, iSikilidi kaDJ Tira neThokoza kaSam Deep & Mawhoo.