LUSHAYA ibuya uhlelo oluyintandokazi kwabaningi, iBig Brother Mzansi.
LUSHAYA ibuya uhlelo oluyintandokazi kwabaningi, iBig Brother Mzansi.
Lolu hlelo lwagcina ukubonwa kuleli ngo-2015, isicoco sakhona sathathwa ngu-Ace noNtombi abayizithandani.
Kusukela ekuqaleni kwaleli sonto bese kunamahlebezi okuthi lolu hlelo luyabuya.
Izolo abakwaMultichoice baziqinisekisile izindaba zokubuya kwalo.
Yize bengavezanga okuningi kodwa baqinisekisile ukuthi luzobuya maduzane.
Abashongo nokuthi inhlolokhono yalo izoqala nini nokuthi luzobonakala nini kwithelevishini.
’’IMultiChoice Group neBanijay bayathokoza ukumemezela ukuthi uhlelo oluthandwa kakhulu, iBig Brother Mzansi, luzobonakala kwithelevishini maduzane. Lolu hlelo luzobe luphethe okujabulisayo kodwa nokungakaze kubonakale ngaphambili. Olwakuleli lungezinye lwezingu-69 eziqoshwa emhlabeni wonke eziphambili. Kulo nyaka olwakuleli luhlanganisa iminyaka engu-20 lwaba khona,“ kusho isitatimende.