LUTHELE izithelo ezinhle uhlelo iTemptation Island SA, njengoba sekunezithandani ebezikulolu hlelo, ezithembisene ukubopha ifindo.
USifiso Ndlanzi noMusa Qubinkomo, badalule izindaba ezimnandi esiqeshini sokubuyekeza okwenzekile emva kokusongwa kohlelo.
Yize bebejabulile ngezindaba zokuthembisana umshado kodwa kube okwesikhashana njengoba kuvele ezinye izindaba ezinyakazise ubudlelwane babo.
UDimpho Khoabane uveze ukuthi baqabulana noSifiso endlini engasese futhi benza isiqiniseko sokuthi bayawabalekela amakhamera, nokuyinto ayiphikile uSifiso.
Kubhala omunye kwiTwitter (@1Ndlanzi), uSifiso nisho ukuthi amakhamera ayemangaka ayefakwe kuleya ndlu awakwazanga ukuthi asibone sinoDimpho “singena endlini yangasese” ukuyokwenza noma yini le ababukeli abazitshela ukuthi ngayenza. Musani ukudlala la #TemptationIslandSA ningenze ngabukeka njengenkunzimalanga...
USifiso noMusa akusibo kuphela abathembisane ifindo lomshado ngoba uJustin no-Estelle nabo bathembisane umshado emuva kohlelo.