KUHLUKANE inhloko nesixhanti kwijaji lama-Idols, u-Unathi Nkayi , nomsakazo iKhaya FM ngenxa ’yendlela aziphathe ngayo’.
U-Unathi ujoyine iKaya ngonyaka odlule kanti bekusalindekele ukuthi ahlale kulesi siteshi kodwa sesiveze ukuthi ngeke sisakwazi ukumgcina.
“IKaya 959 ingakuqinisekisa ukuthi kukhona izigameko ezenzekile eziholele ekutheni kuphele ukwethembana phakathi komqashi nomsebenzi. Singakuqinisekisa nokuthi isiteshi silandele imigudu efanele, kwathathwa isinqumo sokuhlukana noNksz Nkayi,” kusho iKaya FM esitatimendeni.
Lesi siteshi sithe sicela ungakafakwa ezinkulumweni zokuthi kwenzekeni phakathi kwaso no-Unathi.
“Esingakusho nje ukuthi simuphe indlebe wasichazela uhlangothi lwakhe, sanganeliseka.”
U-UNathi (43), obuye abe ngumculi, ubeshayela uhlelo olubizwa ngeMidday Joy phakathi nesonto olungena ngo-12 kuya ku-3 ntambama.
Ungene kwiKaya FM egcina ukusakaza kwiMetro FM lapho ashiya kuyo ekupheleni kukaMashi ngo-2017 ngemuva kokusebenza khona iminyaka engu-10.
Akukacaci ukuthi isikhala sakhe sizovalwa wubani.