Kunemibiko yokuthi liyagqabuka igoda lokusebenzisana phakathi komqeqeshi uRulani Mokwena neMamelodi Sundowns ngenxa yokungezwani noMqondisi uFlemming Berg.
Ngokubika kweSABC Sport, uMokwena neSundowns basezingxoxweni mayelana nokuhlukana.
Ithe yize singakaphumi isinqumo kodwa makhulu amathuba okuthi kuhlukwane.
IDiski Times ibike ukuthi uMokwena ubengekho ekomkhulu leqembu ngoLwesibili ekuseni ngesikhathi Sundowns ibuya ukuzoqala amalungiselelo esizini entsha.
Kuthiwa uManqoba Mngqithi nguye ozobamba izintambo ngesikhathi iqembu lisathungatha ozovala isikhala sikaMokwena onqobe isicoco seligi nese-African Footbal League ngesizini edule.
UBerg ujoyine Sundowns ngo-2022 ngesikhathi uMokwena eyinhloko yabaqeqeshi ngokubambisana noMngqithi.
UMokwena ubesaqede isizini kuphela enkontilekeni yeminyaka emine anayo.