BALOKHU beqhubekile nokungenisa eSouth America ompetha beDStv Premiership, iMamelodi Sundowns izolo eyethule uLucas Ribeiro Costa waseBrazil kubadlali bayo abasha.
Ulandela uLesiba Nku emthathe kwiMarumo Gallants noJunior Mendieta wase-Argentina emthathe kwiStellenbosch FC.
Ngaphezu kukaMendieta noCosta, iSundowns inesiqhoqho saseSouth America okubalwa kuso uMarcelo Allende, Erwin Saavedra noGaston Sirino.
USavedraa ngowaseBolivia, uSirino ngowase-Uruguay kanti u-Allende ngowaseChile.
USavedraa nokho kunemibiko eqinile ukuthi uzokhululwa ukuvula ezinye isikhala somdlali wangaphandle.
Lo mdlali waphambili, akabanga nesizini enhle ngo-2022/2023.
URibeiro (24) uthathwe kwiSK Baveren yaseBelgium lapho eshiye, eshaye khona amagoli angu-11.