IMAMELODI Sundowns isethubeni lokushanela izindondo emcimbini woklomelisa abadlali wokuphela kwesizini yePremier Soccer League (PSL) ka-2022/2023.
NgoLwesine iPSL imemezele bonke abaqokelwe imiklomelo ezokhishwa emcimbini ozoba ngoMeyi 28. ISundowns, ewine iligi yePremiership, imeleke cishe kuyona yonke iminxa ehlale ibhekwe ngabomvu eMzansi.
Unozinti wayo, uRonwen Williams, osayine esuka kwiSuperSport United ekuqaleni kwesizini, uqokwe eminxeni emithathu: okungoweDStv Premiership Goalkeeper of The Season, PSL Footballer of The Season noweDStv Premiership Players' Player of The Season azowubanga nozakwabo, uThemba Zwane noMonnapule Saleng we-Orlando Pirates.
UZwane, owine umklomelo wePSL Footballer of The Season ngesizini ka-2019/2020, uqokelwe nakoweDStv Premiership Midfielder of The Season. Lo mklomelo uzowubanga nozakwabo, uTebogo Mokoena noSaleng. Abanye abadlali beSundowns abangenza kugcine kubukwa yona emcimbini nguKhulisa Mudau, ozobanga oweDStv Premiership Defender of The Season noNkosinathi Sibisi we-Orlando Pirates, noGiven Msimango weTS Galaxy. UCassius Mailula uqokwe koweDStv Premiership Young Player of The Season no-Olwethu Makhanya weStellenbosch noThapelo Maseko weSuperSport United. Ngaphezu kwalokho, umqeqeshi weSundowns, uRhulani Mokwena, uqokelwe umklomelo womqeqeshi ovelele. Uzowubanga noJose Riveiro we-Orlando Pirates noGavin Hunt weSuperSport United.
Isiyonke imiklomelo yeDStv Premiership imi kanje:
DStv Premiership Assistant Referee of The Season: Kamohelo Ramutsindela, Khamusi Razwimisani, Xolani Boneni.
DStv Premiership Referee of The Season: Abongile Tom, Skhumbuzo Gasa, Masixole Bambiso.
MTN8 Last Man Standing: Monnapule Saleng (Orlando Pirates), Miguel Timm (Orlando Pirates), George Maluleka (AmaZulu).
Nedbank Cup Most Promising Player of The Tournament: Olwethu Makhanya (Stellenbosch), Devin Titus (Stellenbosch), Sphamandla Gumede (Dondol Stars).
Nedbank Cup Player of The Tournament: Iqraam Rayners (Stellenbosch), Miguel Timm (Orlando Pirates), Edwin Gyimah (Sekhukhune United).
DStv Diski Challenge Player of The Season: Relebohile Ratomo (Orlando Pirates), Shandre Campbell (SuperSport United), Luphumlo Sifumba (Cape Town City).
DStv Premiership Young Player of The Season: Thapelo Maseko (SuperSport United), Olwethu Makhanya (Stellenbosch FC), Cassius Mailula (Mamelodi Sundowns).
DStv Premiership Defender of The Season: Given Msimango (TS Galaxy), Khuliso Mudau (Mamelodi Sundowns), Nkosinathi Sibisi (Orlando Pirates).
DStv Premiership Midfielder of The Season: Monnapule Saleng (Orlando Pirates), Tebogo Mokoena (Mamelodi Sundowns), Themba Zwane (Mamelodi Sundowns).
DStv Premiership Goalkeeper of The Season: Ricardo Goss (SuperSport United), Salim Magoola (Richards Bay FC), Ronwen Williams (SuperSport United).
DStv Premiership Coach of The Season: Rhulani Mokwena (Mamelodi Sundowns), Jose Riveiro (Orlando Pirates), Gavin Hunt (SuperSport United).
PSL Footballer of The Season: Themba Zwane (Mamelodi Sundowns), Monnapule Saleng (Orlando Pirates), Ronwen Williams (Mamelodi Sundowns).
DStv Premiership Players' Player of The Season: Tebogo Mokoena (Mamelodi Sundowns), Monnapule Saleng (Orlando Pirates), Ronwen Williams (Mamelodi Sundowns).