LIHLEHLILE icala lomshayeli weloli elidale isibhicongo ngoMsombuluko ekuseni, emgwaqweni uM41, ngaseMhlanga Ridge.
Le ngozi ebibandakanya izimoto ezingu-47, kulimale kuyo abangu-16, kwathi oyedwa wesifazane waphuthunyiswa esibhedlela ngendiza enophephela emhlani esesimeni esibucayi kakhulu.
Umshayeli weloli, uSithulile Siyabonga Nhlanhlayethu Zulu (22), uzinikele emaphoyiseni ngoLwesibili. Namuhla uvele phambi kwemantshi eThekwini, ngamacala okushayela budedengu nokuhluleka ukulandela imithetho yomgwaqo.
Icala lakhe lihlehliselwe uMashi15, nonyaka, lapho ezofaka khona isicelo sebheyili.